मुंबई:
आमदारांच्या वाहनचालकाला देखील आता दरमहा १५ हजार रुपये वेतन मिळणार आहे. याबाबतचे विधेयक विधानसभेत एकमताने मंजूर करण्यात आले आहे.या अधिवेशनात आमदारांच्या विकासनिधीतही एक कोटींनी वाढ होऊन तो आता तीन कोटी रुपये झाला आहे.
आमदारांच्या वाहनचालकांचाही पगार आता सरकार देणार आहे. यामुळे सरकारवर दरवर्षी ६.६० कोटी रुपयांचा बोजा पडणार आहे. संसदीय कामकाज मंत्री अनिल परब यांनी याबाबतचे विधेयक विधानसभेत मांडले. आमदारांच्या स्वीय सहायकाला याआधीपासूनच पगार देण्यात येतो. आधी स्वीय सहायकाला दरमहा १५ हजार रुपये पगार मिळायचा. आता सरकारने त्‍यात वाढ करून तो २५ हजार रुपये केला. वाहनचालकाला देखील सरकारने पगार द्यावा, अशी आमदारांची मागणी होती. त्‍याला अनुसरून हे विधेयक मांडण्यात आले. एकमताने ते मंजूरही करण्यात आले.